(ភ្នំពេញ)៖ អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខណ្ឌរាជធានីភ្នំពេញ នឹងរៀបចំចាក់វ៉ាក់សាំងកូវីសែលដូសទី២ជូនប្រជាពលរដ្ឋដែលកំពុងស្នាក់នៅក្នុងតំបន់ក្រហមនៃខណ្ឌមួយចំនួនក្នុងរាជធានីភ្នំពេញ។ នេះបើតាមសេចក្តីជូនដំណឹងរបស់ក្រសួងសុខាភិបាល នៅថ្ងៃទី៣០ ខែមេសា ឆ្នាំ២០២១នេះ ស្តីពីការបើកយុទ្ធនាការចាក់វ៉ាក់សាំងកូវីសល (Covishield) សម្រាប់ដូសទី២ដែលទទួលបានអាជ្ញាប័ណ្ណផលិតពីក្រុមហ៊ុន AstraZereca។

តាមការបញ្ជាក់របស់គណៈកម្មការចំពោះកិច្ចចាក់វ៉ាក់សាំងកូវីដ-១៩ ការចាក់វ៉ាក់សាំងកូវីសល (Covishield) សម្រាប់ដូសទី២ អាចចាក់បានក្នុងអំឡុងពេលពី៨ ទៅ១២សប្ដាហ៍បន្ទាប់ពីការចាក់វ៉ាក់សាំងកូប៊ីសែលដូសទី១។ យោងតាមពេលវេលាកំណត់អ្នកដែលបានចាក់វ៉ាក់សាំងកូវីសែលដូសទី១ទាំងអស់នឹងត្រូវដល់ពេលចាក់ដូសទី២ ជាបន្តបន្ទាប់នៅដើមខែឧសភា ឆ្នាំ២០២១។ ដូចនេះគណៈកម្មការចំពោះកិច្ចចាក់វ៉ាក់សាំងកូវីដ-១៩ នឹងបើកយុទ្ធនាការចាក់វ៉ាក់សាំងកូវសៃលដូសទី២ ចាប់ពីថ្ងៃទី០៦ ខែឧសភា ឆ្នាំ២០២១ រហូតដល់ថ្ងៃទី១៨ ខែមិថុនា ឆ្នាំ២០២១។

ប្រសិនបើបងប្អូនប្រជាពលរដ្ឋមានចម្ងល់ពាក់ព័ន្ធទៅនឹងការចាក់វ៉ាក់សាំងកូវីសែលដូសទី២នៅតំបន់ក្រហម សូមទំនាក់ ទំនងទៅលេខទូរស័ព្ទរដ្ឋបាល ខណ្ឌឬស្សីកែវ ០១២ ៦៧៥ ៦៦៦ ខណ្ឌកំបូល ០១២ ៣៤៧ ៦៧៦ ខណ្ឌមានជ័យ ០១២ ៥៥៥ ៥៨១ ខណ្ឌដង្កោ ០១២ ៧១៩ ៥៩៥ ខណ្ឌពោធិ៍សែនជ័យ ០១២ ៩១៨ ១៨២៕